小哈比沖涼記

今日下晝小哈比既新主人就接走左佢lu~ 唔知哈比仔係新主人到乖唔乖呢..
因為佢今日走，傑尋日就同隻臭仔哈比沖涼，等哈比仔可以香噴噴咁去新主人到嘛~
當然，我地熟手先好同咁細隻既狗狗沖涼。如果唔係凍親佢地都好麻煩呢...

 

 

係三隻小鬼入面，哈比係對眼最細既一隻。
不過多數朦眼仔都係溝死女~哈哈~
睇下佢幾識電人~

最初哈比仔係o的水到個陣都好乖，個樣仲好似好舒服咁添。
不過到吹返乾o的毛既時候，佢就比風筒既聲嚇到佢四圍咁走...
睇下哈比有幾憎個風筒，有圖為證~~佢仲想咬個風筒既電線耶...

 

一臉無辜既哈比，其實都真係好可愛~哈哈~
你抱佢佢又會咬你，有時又會錫你。
都唔知嬲佢好定鬧佢好...但overall黎講佢都係一隻好乖既腸腸~

 

哎唷.........雖然影得唔係好清，但我都真係好鬼鐘意哈比呢個咁迷人既樣...
衰仔包...你走左我地會好掛住你呢....

 

喜歡腸腸既原因，當然係因為佢地一雙大大既"水魚手"~!!
兩個月既小哈比已經睇到佢大個左之後對手有幾"水魚"啦~!!

 

 

 

沖完lu~大功告成!! 其實佢地仲細，你話似qunnie多o的定似edgar多o的就仲未肯定。
因為其實qunnie同edgar既性格係完全相反~ qunnie就好乖，好有人性同母性既一隻腸腸。
而edgar就比較活潑，係一隻happy dog。不過有得玩edgar多數都唔跟我地呢...
但有時我睇返edgar細個既相，同而家呢三隻小鬼都真係有幾分相似!!

唔知而家哈比仔點呢...希望可以睇到哈比大個既相啦。
但係呢到要同新主人講聲唔好意思....事關我地兩個工作繁忙，
唔係成日可以同到小鬼影相。希望你地見諒~!!