走曬lu.. :>﹏<:

呼~轉眼間三隻腸腸BB都就快三個月大lu...
今日biru同ginger既新主人都黎接走左佢地返屋企，
雖然離別既感覺係好難受，你問我捨唔捨得其實都真係唔捨得。
始於凌晨時份連覺都唔訓接生，ginger係四點半先出世。第二日又要起身返工。
然後每一日慢慢睇住小鬼長大，由佢地仲係一舊蕃薯，
到而家你叫佢地個名就好開心咁撲過黎你身邊，錫你咬你；
玩到累就係比你抱住訓覺。

以前佢地個籠好淺，佢地三隻好快就識趴出黎。
首領哥哥biru就會最先趴出個籠，但卡住係個籠邊到搵qunnie媽媽。
然後二哥哈比，同抆薑細佬就會跟住排排"卡"住係籠邊。
呢個情況永遠都係你最累，係你訓緊覺；
係你食緊飯，又或者係你出左街既時候發生。
多數首領哥哥biru就會大叫求救~~之後哈比同抆薑可以繼續訓覺...哈哈~
當我地放返佢地入籠，都唔知好嬲定好笑...
但呢個就係小狗最可愛既地方，就係你永遠唔知佢地幾時比"驚喜"你~哈哈

每一日收工返黎就同佢地癲一輪先做其他野。
慶幸既係小鬼們都健健康康，無病無痛。
行得走得，仲有無窮無盡既energy~!!
能夠幫小狗搵到好主人係我地最大既心願。

或者有人會擔心小狗健康情況，巧奶腸會唔會有好多遺傳病等等之類。
我只可以講我地雖然說不上係好專業，
但絕對唔會忽視因為狗狗遺傳病帶黎既後遺症。
始於自己都係小狗既主人，難道我地唔知小狗有病係幾心痛幾徬徨??
我地希望每一隻小狗都係happy dog，都係健健康康。
呢一個亦係我地一直既忠旨。

有比較先會有進步，因為有時真係太忙的確會忽略好多野。
好慶幸我地同不少狗主交流下意見同心得。
其實做到呢一點唔係一件容易既事，
好多野唔係三言兩語就可以講出黎。
所以係呢到真係好多謝你地一直對我地既支持同信任!! 

而家屋企無曬腸腸bb可以玩添...唉...的確係有o的唔慣...
期待新主人匯報小鬼既新狀況，記得upload多o的相比我地睇!!!
有機會我地一定要一齊出黎玩唷!!
唔知下次三兄弟再加埋edgar爸爸會係點呢..?? 
哈哈~遲o的自有分曉~!!
小鬼們要乖乖唔好曳呀......我地遲o的再見~