毛巾賊!!

請饒恕我今日既主角又係肥豬團~~事關其他小狗好難可以咁平靜咁乖比我影相。
反而團團係最多機會~所以好自然就係同佢影得最多~請各位見諒~

天氣咁凍，團團除左鐘意跳上我張床之外。其實亦好鐘意做小偷，
至於佢偷既就係小白訓覺個條毛巾.....所以小白一見到佢衝過去想搶佢條毛巾...
就算幾friend都勢係假....一於有理無理吠左團團先~
不過我次次無論起身又好，放假係屋企又好，放工又好.....
團團都係成功偷左小白條毛巾黎訓.....哈哈
有次我見到團團好似人地玩獎門人以前有個"拉台布"咁....
一扯就扯左小白坐住個條毛巾......而小白就成隻比團團扯到彈起左.....@@"
個次我想阻止都阻止唔到......因為太快.....我只係眼白白睇住小白比佢扯到彈起左....

當團團要偷小白條毛巾個陣，我以為比條更大既毛巾團團佢就唔會搶小白個條。
點知結果係....佢又要大毛巾，又要搶埋小白條毛巾~真係激死..........
就係咁......冬天團團就變得好邪惡......變左係屋企既搶毛巾賊....