23日大腸b開餐啦

八隻小鬼今日都23同25日大啦，牙仔出緊一半，
Qunnie同Zeondia可能已經無咩奶既關係，尋晚班嘩鬼們嘈得好犀利.......
我今日就嘗試浸左o的puppy狗糧比佢地食，等佢地可以飽肚o的，
結果佢地食完就開始同狗媽媽搶食......幾隻小鬼追住狗媽媽既糧食....
手仔腳仔仲好短....但都出盡法寶伸個頭去搶媽媽o的狗糧....
咁既情況下要睇住媽媽食野，一邊就分開腸b，等佢地唔好衝過去搶食~~
如果唔係狗媽媽多數會讓腸B食而唔夠營養....又或者會發惡咬到腸b....

今日再有一隻black & cream仔仔搵到新主人啦~~好開心佢地鐘意black & cream仔仔，
不過我地估唔到既係客人對black &cream既興趣係大過pure cream，哈哈。
最重要都係主人鐘意，亦希望小狗健康幸福咁成長。
所以而家我地都會盡最大既努力去令腸b肥肥白白健健康康咁搬新家~

提外話，見今日天氣轉涼，我放返條毛巾比腸b既時候，
佢地成班開始識行，同埋好鐘意毛巾既關係，
於是乎係我未放好條毛巾佢地已經衝曬過黎壓住我條毛巾......
結果我要好似獎門人有個扯台布既環節咁扯返條毛巾出黎.........
再放落去當然結果都係一樣.....唯有就係拉開自己外套，將d腸B放曬落自己個肚到...
情形就好似將d袋鼠媽媽會將d袋鼠BB放係個袋到咁.....
有d未訓醒既腸b會比我"come"住唔知發生咩事，但都會慢慢趴返出黎....
呢個令人哭笑不得既經歷真係要同大家分享下先得....

夜啦.....又係時候要訓覺...各位早抖.....