Bella 十日大既小寶寶

老實講....同未開眼既小鬼影相真係一件苦事....
首先佢地成條蟲咁鑽黎鑽去不受控制....
二黎因為佢地耳仔仲未發育完成，對任何聲音都仲未識得比反應...
所以就要用好長既時間去同佢地影相...真係腰骨都痛埋.....

不過唔經唔覺呢五隻小鬼已經趴得好快~~
除左奀吱吱囡囡之外其餘既腸B都已經肥到好似個波咁...
就比大家睇睇呢五隻腸B既相先~

                         以下兩隻係最肥美既腸腸BB~ 積積junior 同羅賓囝囝 =)

           一放佢地落床，佢地就好迅速咁四散....但當佢地趴到累既時候就可以重整隊形~

積積junior同佢爸爸Jaguar一模一樣，個頭仔又大又圓。
最鐘意都係D腸腸BB好似個饅頭咁攪笑~~哈哈~

小鬼好攪笑...佢地訓覺好鐘意收埋個頭訓...我試過好多次將佢地個頭整返正面，
不過可惜佢地好快咁呢埋.....結果我最後都係放棄......

其實傑同我提過應該都有三隻小寶寶係有客人預訂左。
不過係邊三個腸B就未知道

就等我慢慢遂隻同你地介紹下o的腸B先~
第一隻係pure cream既小忌廉囡囡，佢係開奶先鋒，又係搶奶食既高手~~
不過呢隻囡囡既性格都係靜d，小忌廉好乖，好少會扭計。

第二隻係black & cream 既Batman 囝囝，佢開頭唔係好識去媽咪到食奶。
不過而家已經好叻仔，仲食到肥o都o都添~~個頭仔又係又圓又大~好攪笑
有時候佢都會用個頭去霸佔奀吱吱食奶既位置，有次我餵Bella媽咪食野，
呢隻Batman囝囝已經識成個頭"鐘"左落Bella個o的狗糧到偷食添.......
所以每次餵Bella食野就要將佢隔開一陣啦...

第三隻係Chocolate cream dapple既積積junior
佢24小時都係呢個食奶作戰狀態~~
因為只要你郁一郁佢都會自動開左個食奶mode.....
除非係佢自己食食下奶食到訓著左....
如果唔係你一抱佢就會扭黎扭去跳超強勁既蛇舞..哈哈

第四隻係羅賓囝囝，呢隻腸b之所以叫做羅賓，全因為佢出世時對眼係好似帶左眼罩咁~
既然我地有Batman，咁緊係要有羅賓呢位好兄弟啦~~嘻嘻~

呢隻腸腸BB係抱上手比較穩定既一隻，佢又唔似其他腸腸BB咁一抱就起勢咁跳蛇舞....
所以我好多時都會抱住佢訓覺~~呢隻羅賓小鬼仲好鐘意將佢頭仔放係我塊面到訓覺添....

最後呢隻就係奀吱吱囡囡啦，佢細細個唔識食奶...成日比其他兄弟姊妹搶曬o的奶奶
上星期六我去拜山個陣傑打比我話呢隻囡囡成身軟曬好似就黎死咁.....
佢即刻餵奶比奀吱吱食之後就醒曬......
其實傑已經經常同BB人手補奶，而佢亦特別留意同照顧呢隻囡囡
幸好係佢而家都生生猛猛，不過佢的確係比其他腸B係瘦弱一d
所以遲o的等佢開眼之後，就會比多o的幼犬狗糧比佢壯返o的

Bella媽咪好錫呢五隻小鬼，為左BB要食奶佢可以成日唔郁，比BB食奶而唔顧自己唔食野....
衰豬有時係要我地餵佢先肯食狗糧.....真係比佢激死.......

可能太耐無腸B玩既關係，而家日日都係玩腸B為樂。BB好快就開眼啦~~時間過得真係好快~~
嘻嘻~~最開心係BB小眼睛看世界然後識行識走既時候
快o的大啦BB，好想快o的同你地玩呢~