簡單。快樂

難得今日放假，但傑要返工。
打算陸續同d小朋友係新年前沖個靚涼過年。
所以今日就幫Zenodia沖涼~
Zenodia毛量好厚，同佢吹完毛佢好似一條毛毛蟲咁~~哈哈~~

沖完涼係隻香噴噴既毛毛蟲~~
但當dia dia見到佢比更毛毛既團團當場訓低係地下~~

小白長老見到我個相機，結果只係比個側面我...:>o<:

至於肥肥團，佢仍然發揮佢傻更更既本色。
一對又大又圓既豆豉眼望住你既時候，就算幾累幾忙都好。
每次望住肥肥團呢個樣即刻累氣全消~!!

呢隻Vesta小朋友就係屋企既管家咁...咩都關佢事，腳仔短短但跑得好快...
每次有人禁鐘佢就第一時間跑到門前唔係開門...而係睇下究竟邊個要人開門...

對我黎講，有小狗陪我過既日子係最簡單而且快樂。
雖然小狗有時係好搗蛋令到我地好激氣好麻煩。
但我好感激佢地係我身邊陪我一齊渡過無數既苦與樂。