Edgar冒險之旅~!!

人人話夏日炎炎正好眠，不過我同傑早幾日見天氣好就帶左兩隻豬仔去冒險~
我地發現左一個放狗既好地方，但要好辛苦先入到去.....
個到就係清水灣半島啦~!!

點解話個到辛苦呢....因為個到要行"九曲十三灣"既小徑先去到一個較為安全既空地...
我地兩個見兩隻豬行左好耐，咁o岩又係中午時份...
驚佢地兩隻小鬼會中暑...所以已經準備左一支冰水。但行行下真係好熱....
唯有就抱住兩個豬行過個條"九曲十三灣"既小徑先去到目的地......
傑為左兩隻豬...兩隻手都比o的蚊咬到好似出"風懶"咁呢........

Edgar行到好累，間中都要人抱。不過去到目的地之後，佢就已經累到唔想郁....
你睇下o的相就知佢大爺真係熱到暈咁濟.....哈哈~
Edgar已經算好乖仔家啦，大部份時間都係行。
仲要上斜落斜，又上落樓梯咁~我個衰仔終於都大個仔啦~~卡卡卡~!!

見隻衰仔抖得咁舒服，我同傑就身水身汗.....
不過睇下佢個衰仔都幾開心既。
平時我地返工，都已經少左帶佢地落街玩。
嘻嘻~雖然係好累，但其實都值得既~

下次同佢地出街又咁熱既話，我諗都要帶多一個細風扇先得~

你睇edgar熱到對眼都紅曬耶......陰公囉.................

以上三張都係edgar抖涼個時我影佢既~返到屋企先知原來佢既動作係有連貫性呢~~

隻衰仔仲學人單眼電我添~~唔怪得平時帶你出街你都咁多女仔讚你得意啦....
原來係識電人既~~哈哈~!!

玩到好累，edgar已經累到企係到都訓得著咁濟。

衰仔....回程個陣你就舒服.....
我地兩個抱住你地返屋企都真係累到腰酸背痛呢......
但總括黎講，我地都好享受~~
不過下次都係早o的去可能會舒服o的~~

等我聽日再post埋另一個小鬼既相呀~!!