臭仔Luca是也!!

嘻嘻~介紹下另一隻小朋友，佢叫Luca。
係qunni係台灣同雷神配種之後帶胎黎香港既小鬼~
佢仲有一隻妹妹叫丁丁，但如果丁丁同luca一齊落街會打交多過食飯。
所以要分開帶佢地落街~

最初luca落街都唔係好肯行...懶死係個地下到唔郁...
所以要edgar旁住佢佢先肯行....好彩後來佢都無扭計，
只係行到累要人抱，不過都好叻仔家啦。
佢第二次落街就識上樓梯落樓梯~~有時仲快過edgar添呀~ 

行到好累，luca都累到坐係到抖涼。

係唔係隻隻臘腸狗條"月利"都係咁長家呢？
咁抖涼係唔係爽o的家呢~哈哈~~

正當luca抖涼之際，老大哥edgar就過黎錫錫先~
edgar走左之後，luca就傻左咁望住我~
佢個樣咁呆，緊係影低佢啦~哈哈~

平時係屋企都係呆下呆下既luca，玩完之後佢都依然係咁呆~
但又呆得幾可愛喎~哈哈~~
  

傻豬仔，你個樣真係好攪笑~
好似有好多個問號係你個頭上面咁~
狗既世界就係咁簡單~~
你錫佢佢知道，你唔開心佢又知道。

玩完lu小朋友~下次再帶過你黎玩啦~