R.I.P BIRU...

其實我都唔知自己想講咩...因為Biru仔係今晚離開左我地...Biru係一個好乖巧好嗲既"人仔"...佢好熱情，好鐘意錫人。仲好記得係診所...我問佢仲記唔記得我...佢就不斷咁幫我洗面...呢隻傻豬...連醫生都話佢係good dog...

好抱歉...到最後我地都係幫唔到biru仔...我已經盡量叫自己冷靜一o的...Biru爸同Biru媽好需要人去支持，亦好感激Biru爸等埋我地送Biru仔最後一程...安息啦Biru仔...你爸爸媽媽有你呢個乖孩子...佢地知道你好努力...而家你唔洗再痛苦啦...好好訓返一覺好...我地總會有一日會係另一個地方相遇...到時唔知你會唔會仲記得你曾經不斷幫我洗面呢...

諗返起...由佢地係個肚到生出黎....等佢地成長到變左一隻大熱狗識得通街走...呢種感覺都真係好深刻....細細個Biru呢隻大哥已經識得"趴牆"...越過曬我地設立既防線，不過成鬼日都"cake"住係條"啦"到出唔到黎....Biru就會"bibibi"咁慘叫直到有人救佢為止...久而久之....連其餘兩隻小鬼都跟埋呢隻大哥出去"威"...三隻小寶寶就好似三卡火車塞住左係條"啦"到...真係訓訓下覺都要去拯救小寶寶...回想返佢地細個...真係好好笑...

仲好記得前晚同Biru睇完醫生之後...我抱住佢訓...佢雖然已經唔記得左佢成長既地方...但佢仍然好信任我同傑...佢個頭仔挨住我手臂...貼住我塊面...驚既時候抬頭望我一眼...然後我同佢講唔駛驚，聽日biru可以好快見到爸爸媽媽...今晚...當我見住佢離開...摸到佢身體已經開始冰冷...別離既感覺...實在令人難受...

希望Biru媽同Biru爸唔好咁傷心...你地已經盡左力...唔好太自責...Biru仔都知你地錫佢，所以最後...佢既視線都無離開過你地...相信Biru仔都唔想你地咁難過...你地要好好振作，唔需要怕煩到我地，有咩需要隨時打比我地。

最後...都想講多一次...Biru仔...安息啦...我地總會有機會再見。