8號風球放狗日

尋日四點幾先知掛三號風球，收工個陣仲同個經理講都唔會打到黎既時候。
今朝六點幾起身傑同我講掛八號風球~嘻嘻~唔駛返工!!!

唔駛返工都唔代表可以繼續訓，因為都要留意風球會唔會落，如果落既話又要預早準備返工。
結果皇天不負有心人~過左兩點都未落，呵呵~咁就可以安心放一日假啦!!!!
傑話無咩野做，就提議去放狗。諗諗下我地都好耐無放過狗啦.....
就係咁，我地就拎左黑松露落行~

我地三點幾落去個陣，一粒風都無~完全唔似係八號風球!!!
淨係見到條街好多枯葉~所以都好放心咁行。
不過露露開頭就唔係好肯郁，係後期跟住我地先慢慢行。

正當十幾廿分鐘前以為風平浪靜可以慢慢散步既時候........
突然就橫風橫雨....我地兩個人加一隻狗係無帶遮既情況底下....
唯有就係係隧道到避雨....你睇下露露....就黎比風吹走啦......

我地等左一陣....見無咁大風就即刻衝返上屋企!!
如果唔係呢個黑松露真係會比風吹左唔知去邊~
今日放狗都真係好刺激呢...........