痴住你~ (團團)

早幾日係屋企無野做....突然見到小白同團團好相親相愛咁一齊趴係個地下到
咁既情況難得一見~就係咁~~~我就用手提影低呢個歷史性既一幕!! 哈哈~

自重團團做完手術之後，小白同團團就好少爭風吃醋，亦少左打交~
仲記得團團做手術個晚，小白好唔開心咁訓係個廳，望住門口等團團返黎。
到團團返黎個晚，小白就好開心咁聞下團團個面面，仲錫佢面面添!! 
個陣我地都好驚訝~呢對鬥氣冤家其實都好錫大家~
直到而家，團團身邊總會有小白係到，佢兩個間中都會一齊訓覺。
咁係一件好事呢既~哈哈~

，轉左新公司......仲忙過以前做銀行個陣......唉.....日日都生活係忙碌同壓力既情況底下....

最開心莫過於返到屋企見到o的小寶貝.....有時累到痴曬線都仲要照顧佢地係好炆憎.....
不過辛苦之後見到佢地咁又唔忍心唔錫下佢地....唉...真係前世~

早幾日係屋企無野做....突然見到小白同團團好相親相愛咁一齊趴係個地下到

傑而家要開夜，又要開通宵。我公司又忙....兩個人輪流照顧一班嘩鬼......
肥豬團就有佢爸爸媽咪幫手睇住。但呢個衰豬可能太耐無見傑啦....
今日傑放假訓醒之後團團就好怨氣咁一直坐係傑身邊.....

嘻嘻~你睇下肥豬團....為左訓係傑腳邊~比人整成點都無咩所謂...哈哈
其實都係既....我同傑今個月見面時間都好少.....更何況呢個小鬼~

團團表面係好傻，不過其實佢真係一個知野既狗狗。

佢知道邊個可以蝦，知道要聽邊個話~
肥豬好驚傑~~傑講一句佢就好聽話，反而我就寵壞佢，佢都會聽我話。
但佢比傑話完就走黎我到要我錫返佢~

任何時候，任何環境呢個肥豬團都可以訓得著~
我有時放工，就算佢係訓左覺佢都會好開心"噗噗噗"咁走到大門口迎接我返屋企~
但做錯野佢就蛇咬都唔郁，淨係識搖尾。睇佢個樣衰衰咁就知佢做錯事~
而家，傑唔係到陪我個陣，我就會搵肥團陪我~
佢而家識得聽咩叫做"過黎比我錫啖先~" 哈哈~
因為我每朝返工，放工，又或者無野做就會聊下佢~
自自然然，佢就會比個側面我錫佢一啖~你話幾sweet~!!