第2日既八隻小鬼

由於Zenodia佢做完手術，情緒唔係太穩定。於是將八隻小寶寶都放住係Qunnie到暫養，
所以當八隻BB一齊食飯呢個創舉都係第一次.....咁難得既時刻緊係要影低啦...
唔知大家數唔數到有八隻腸B係到開餐呢~

腸B們飲飽食醉，就要放下Qunnie出去行下。
加上Qunnie係一隻好有母性既狗，佢有小寶寶既時候絕對唔會整污糟個地方，
要我地放佢出黎大大小小~佢玩夠會係個門口到等我地放佢返入個籠到~真係好乖好企理~!! 
不過我好多時都係係Qunnie出去散步既時候玩BB~
見到佢地一日比一日強壯，好自然會發覺生命真係好奇妙。:-)

我地見dia dia精神o的，就抱佢出黎餵BB飲奶。
一黎係唔想Qunnie太辛苦，二黎都知道dia dia好錫o的小寶寶。
佢最初都真係好好奇點解有四條蟲係佢身邊典下典下~~哈哈，其實佢都好鐘意o的小寶寶。

如果dia dia傷口無咁痛既時候，我地會將BB放返比dia dia照顧。等佢地可以一家團聚嘛~~

返工太累啦.....希望大家唔好怪我出太少post......因為而家連訓覺既時間都唔係好夠，好彩既係傑分配到時間去照顧佢地。
我都好想放多o的時間係佢地身上，不過可惜年尾都實在太多野做......讓你地久等真係唔好意思...