17日大啦~!!

小朋友大得真係快.....腸B們已經係11-14日大已經小眼睛看世界~~
最遲一隻開眼既BB係pure cream囝囝金毛強，我發現越細隻越奀仔既腸b係最快開眼.....
相反越肥越大隻既BB好似金毛強同鳥咀咁，佢地兩隻最肥既就最遲先開眼~~
而家佢地開始踏入喪屍期，除左會有媽媽定位追蹤之餘，亦開始左你咬我耳仔，我咬仔條尾呢個生牙仔時期~~

呢隻囡囡個名叫馬拉糕，因為佢隻顏色令我覺得佢好似馬拉糕~哈哈~佢係dia dia所生，不過就由Qunnie湊大~~

一眾腸B們既大合照，我諗而家唔影，遲o的到佢地識行識走先影就太遲啦。
因為到個陣佢地已經會追住你個鏡頭黎咬，又或者係掛住同o的兄弟姊妹打交。
就算快門幾快，都唔夠佢地咁活潑。所以而家就要好好把握呢個機會大影特影~~嘩哈哈~~

眼見八隻小鬼一日比一日肥大，隻隻都健康活潑，係我每日放工之後返到屋企最開心既動力。
不過最討厭半夜訓訓下覺佢地比Qunnie或者Zenodia壓住左係到慘叫個陣....就要即刻彈起身去拯救呢幾隻叫曬救命既小朋友.....
佢地隻隻都好林池池，最鐘意就係抱住佢地訓覺，之後佢地就會好似條識郁既毛毛蟲咁係你條頸到訓覺。
試過幾次唔知係我太累，定抱住佢地太舒服....連我自己訓著左都唔知.....好彩傑會幫我放返o的小鬼落去個籠到，
如果唔係後果都唔敢想像................................