18/12/2010 叮叮bb出世啦~!!
好耐都無打過blog...對上一次打blog我都唔記得係幾時啦...
因為轉左新工之後基本上連休息時間都唔係好夠...
生活每一日都係勞役中渡過.....所以忽略左好多小狗既生活記述...真係好抱歉...
講返o的開心既野先，自從上次Qunni同Edgar既bb去左新主人屋企之後，
我地等到尋日終於有腸腸bb玩啦!! 哈哈~
我同傑其實都好期待!! 傑仲因為驚叮叮生bb擔心到幾晚都無訓覺淨係睇住佢...
辛苦到佢病左添...唉...不過佢有bb玩就好精神..
叮叮係Qunni係台灣配雷神既囡囡，
今次我地有四隻小寶寶，係叮叮同Edgar既結晶品。
四隻小寶寶都好健康，而叮叮亦都好有母性。
佢好錫o的bb，成日都會親親小寶寶既面豬仔~~
有時我同傑拎o的bb出黎佢就好緊張，
攪到原本餵緊奶既叮叮會起身，之後小寶寶仍然好強勁咁啜住叮叮唔放~
幻想下叮叮企係身，o的bb成抽野咁啜住~哈哈~但小寶寶唔跌家喎~
有機會等我影下相比大家睇~
暫時其實未知小寶寶既顏色，不過好開心既係我地有兩男兩女~
湊夠兩個"好"字~係一件令人鼓舞既事~!! 小寶寶好強壯呀。
特別係兩隻男仔，而兩隻女仔就比較嬌小一o的~
好期待小寶寶快o的開眼~!! 哈哈~
呢四隻bb好攪笑，肚餓會自己識走去叮叮到食奶。
食飽之後佢地可以四散係到曬臘腸~~
bb趴得好快.....我諗佢地開眼都會係好活潑既小寶寶!!
尋日有一隻囡囡食飽飽之後四圍趴，點知叮叮唔知就壓住左佢。
當囡囡係咁叫既時候叮叮就呆左咁望住隻囡囡，
之後舉起身手比隻囡囡趴返出黎~我睇到之後我笑左好耐~卡卡卡~
現時叮叮同bb都好健康，叮叮胃口都好好。
傑仲專登去買o的蛋白質高o的既貓糧比叮叮食，
因為傑話貓糧營養好過狗糧~~而且叮叮都好鐘意食~
我地而家小食多餐咁，希望叮叮同o的bb都可以肥肥白白~!!
我如果有時間，我會陸續upload o的新相比大家睇。
嘻嘻~!! 我又玩下bb先~!! 佢地實在太可愛~!!
更新: BB 10天大拍照
更新BB 10日大補奶 (PS. 沒經驗者吾好亂試, 要按著小狗飲奶的速度, 針管流量, 手指當作活塞的原理自己調節, 要不是奶落肺會引致肺炎致生命危險~) 另外有一方法"插胃喉"呢個方法不單吾work更是危險, 除非exectly 透過某些equipemnt正確知道每隻BB胃部既位置, 要不是下下靠估, 幾多隻BB都吾夠插死, 可以爆胃或插錯位, 因為基本BB天生本能已有吸啜既能力, 所以只要餵既奶係一隻穩定少引起肚疴既狗奶粉, 加上流量控制得好, 機本上成個流程, BB係當自己啜緊媽媽既乳頭(手指), 仲有最重要一點, 奶最好around 35-38C 暖既奶為更好(補奶有幫BB更加健康, 在BB階段補給得好, 有幫將來更能健康發展, 呢個階段最為重要)
