重色Chocolate Cream 妹妹Montes Angel (巧克力奶油)

早前傑係台灣又睇中左隻chocolate cream妹妹，話咁快呢隻小鬼尋日都黎到香港加入我地呢個大家庭~~
佢一落機驚得濟...成身都硬曬軚...等settle曬o的野，打好曬預防針同狗牌之後，我地就抱佢出黎玩。
佢可能太驚既關係，都幾痴身同唔識郁~所以今日返到屋企都抱佢出黎玩左一陣。

佢個樣都真係好女仔，我地諗左好耐都唔知叫佢咩名好.......又要幫佢做血統書既關係...
結果我見到一樣野之後，我地兩個就決定叫佢做montes angel~哈哈~其實係一支紅酒既牌子~
但我覺得佢個樣都真係幾似一個天使呀~

大家睇佢隻手~~超水魚~!! 哈哈~最鐘意就係佢咁大隻水魚手，好有肉地~咬佢一啖都仲有好多肉(講笑~)

呢隻小鬼暫時都好乖，我抱住佢佢好快就訓著左。嘻嘻~抱住佢都真係幾舒服。

小朋友，你look到對眼咁大做咩？我都知你唔鐘意比我影咁多相，但你真係好攪笑~

比我影多幾張都ok掛~!!

佢已經開始對我個電話唔耐煩~哈哈~影埋呢張就唔影啦~
其實對我黎講，小狗可以咁乖比我抱住黎訓係好難...
難得而家有一隻小狗可以比我咁抱住~~嘻嘻~我真的愛死你唷~!!