擔心死人... (團團入醫院)

近呢一個星期，我家肥豬團無咩胃口....平時叫佢佢都會比反應我，但唔知點解呢幾日佢唔係好睬我地...
又唔係好肯食野......尋日以為佢好熱，同佢沖涼。點知沖完涼佢都係無咩反應......
開頭我以為係我同佢沖涼個陣冷親佢.......結果尋晚傑同佢探熱....成四十幾度.....
我地即刻打去留下診所到問.....診所o的姐姐話最好帶去比醫生睇睇，不過留下個間獸醫係無夜診.......
九點已經要關門.....唯一要睇就出旺角另一間分店.....
我同傑都極力反對去旺角某間24小時既獸醫醫院.....
不過團團有事我地都一定要帶佢出去睇醫生....
結果我地就call 車送團團去狗狗既"養和醫院"到睇急症......

一去到...團團都好似未知發生咩事.....好乖咁跟住醫院o的姐姐去照x-ray....又跟住個姐姐返入黎睇症個間房....
醫生話團團子宮發炎....入面全部都灌曬濃.....所以攪到佢發燒......要即刻做手術切除成個字宮....因為已經無其他方法....
如果唔係再延遲會有生命危險......結果...團團尋晚十二點幾做手術....我同傑就返屋企等消息.....
不過我地成晚都訓唔著....團團咁多年第一次唔係屋企.....我地都好擔心佢手術成唔成功.....
好彩都收到醫院既姐姐電話，團團手術成功....今日可以接佢返屋企.......真係擔心死我地....

今日收工我做完即刻走，傑姐姐都話想去接團團。結果我匯合左傑姐姐，之後就去到醫院門口等傑黎。
去到我地都等左好耐先有得接團團.....係等緊既途中有另一隻好瘦既西摩仲插住o的喉比個主人急急腳咁抱走.....
八點鐘，終於等到可以接團團。醫院o的姐姐帶我地上二樓好似手術之後既地方。
團團一見到傑就即刻好開心咁衝出黎.....唉................衰豬.....嚇死我地啦......
幾多錢都唔重要......最重要係團團既健康.........見到佢傷口都好長.....行路要柺下柺下.....真係心都痛埋......

接左團團，我地攪埋o的手尾，團團佢好心急係到bibibi...要我地快d走......
佢傷口好痛又唔可以坐低，唯有就係呆左咁企係到等我地示意佢可以走.....

陰公豬囉........真係超心痛..

....

我地好小心咁抱佢返上團團既烈火戰車到，傑話要買o的有罐頭比佢等佢快o的好返。
途中熱到飛起.....你睇佢個傻樣就知~但佢見到我地之後安心好多......唉...衰豬....

返到屋企....見到團團無事個個都好開心.....不過團團呢兩日都好重要.....
要好好觀察住佢....所以要keep住準時食藥.....希望佢快o的好返.....