豆豆, 泡菜, holick, Ginger生日會

今日我地慶祝豆豆，JUICY，HOLICK同Ginger佢地生日。
我地就係上水一個狗狗訓練場到BBQ~多謝及辛苦曬EMILY做攪手!!
我地今日見到好多腸腸呢~~可惜班比仔有事黎唔到...
而我地就帶左兩隻比較容易湊既Quinni同Terry去，因為其他狗狗太活躍啦....

個到都幾難搵，但入到去地方都好大好舒服。不過咁o岩我地去到個陣係正午....
好熱好熱....為免兩隻小鬼變左熱狗....我地決定帶兩隻小鬼去游水~~嘻嘻~~~
不過第一次游水既Terry同Quinni就驚得濟...著住救生衣都唔係好郁.....
好彩Emily既男朋友幫我地扶住兩隻小鬼，試下比佢地游水....但佢兩隻好似連體嬰咁痴埋唔原郁.....
見到人地o的腸腸游得好叻.....真係失禮....哈哈~

個到最好係沖完涼可以有風機吹返乾o的毛，本身要加錢，不過之後個到o的人話可以免費~實在太好~!!
我同傑一人一隻幫兩隻小鬼吹毛，攪攪下都攪左成個鐘....都唔知點解佢兩隻o的毛咁厚....
佢兩隻豬仔玩完就疏肝.....我地兩個就吹到大汗w細汗....哈哈~

游完水，就開始BBQ~人數都好多，有三個爐比我地燒~燒左一陣就放左兩隻豬去對出既草地到玩，
但可能太熱....佢兩隻嘆慣冷氣既小鬼唔係好願郁......結果成程都係睇住兩隻小朋友........
Terry都會走去其他小朋友到玩下，但Quinni就跟實傑....唔係好肯行...

EVA因為唔舒服所以走先，我地就繼續留係個到玩。

其他小朋友可能跑慣山，游慣水~硬係我兩隻小朋友好似o的唔願郁咁...激死人....

好彩係帶左佢兩隻已經算乖既小朋友黎，不過都有好有唔好。
如果其他小朋友活潑o的，咁我地就唔駛咁辛苦。
可以放佢地四圍行都得~~你睇佢兩隻痴頭芒~~真係成日要痴埋一齊家...

係到要同嗎啡講聲唔好意思...我係佢facebook到偷相~~

因為個日我地無帶相機，都無咩點影相...唯有係佢到偷返幾張~sorry sorry~

影大合照個陣實在太曬啦..........好辛苦先影左幾張~嘻嘻~

而以上呢兩張都係嗎啡既傑作，唔知點解Quinni有野食~
係影Quinni時候，其實Quinni係寧轉左面驚人地搶佢o的野食~哈哈

玩到四點幾我地就散場啦，call車返將軍澳個陣都真係成個人散曬......

我地兩個都要係公園抖一陣先返屋企......佢兩隻小鬼都累到唔郁lu

呼....玩左成日真係好累啦....抖抖先....