Chocolate cream puppies (18 days)
尋晚同BB玩玩下，發現佢地大得好快~
幾隻小鬼係10號慢慢開始開眼，到而家其實都係過左一個星期多o的。
估唔到呢幾隻小鬼好健康，今日仲發現佢地開始識行啦~!!!
仲有"狗媽媽渡航系統"，qunnie係邊，佢地個方向就會去邊~哈哈~
比你地睇下兩隻小鬼既新相先~~
今日既主角係最大既哥哥，同最遲出世既抆薑細佬~~
其實細佬抆薑個樣係甜o的，o的顏色係咁多隻小鬼入面最分明既一隻。
但哥哥係骨架同面版都好靚~!! 所以長大之後，我諗會幾似edgar~!!
抆薑細佬點解叫抆薑呢~因為佢一出世個陣個樣好鬼"抆陣"...
同埋佢最遲出世...所以我都等等下訓著左...
不過佢一出世就最嘈，叫得最大聲個隻...
就係咁~我就叫佢做抆薑~英文名叫Ginger~!!
Ginger細佬由最初係最瘦最細隻，變到而家同哥哥差唔多咁壯。
唔好睇佢狗仔細細，佢都趴得好快。
學行同最大個隻哥哥差唔多添~
好啦~~而家就講下最大既哥哥啦~
佢既身型最初係咁多隻之中最大，佢出世個陣我會叫佢大蕃薯。
所以其實佢都幾易認~!! 我好鬼鐘意哥哥~因為一抱佢佢好多時都會笑~~
等我下次有機會影佢個笑樣比大家睇~!!
怕羞而又驚死既哥哥，成日要痴住Ginger先得....
所以都好難捕捉到哥哥既靚仔樣....
事關佢咁細個已經有鏡頭恐懼症.....
雖然佢應該未咁清楚睇到野....但我一用個相機對住佢....
佢好快就避開我個鏡頭......
Ginger就乖仔好多~~同埋佢好多古怪既表情~~
嘻嘻~~唔知你大個左會唔會好古惑呢~!!
不過小朋友就係曳o的~小狗係活潑o的先可愛嘛~!!
我有時發覺，抱起BB既時候總覺得佢地好似軟綿綿既麵包~!!
哈哈~唔知點解....可能方包個邊係啡色，但入面係奶白色。
BB塊面而家又肥又方~哈哈~~其實都真係幾似方包~!!
你睇下佢地o的手仔腳仔，咁細隻就已經咁"水魚"~~哈哈~!!
我鐘意臘腸狗既地方，就係因為佢地隻"水魚"手好得意~
BB一反轉左個肚仔訓，佢地好自然條尾仔都會同隻腳仔一齊收埋~!!
或者最開心既係，見到小狗一日一日咁健健康康長大。
然後再慢慢咁睇住佢地成長。Qunnie呢隻狗媽媽好乖好有性，
如果唔係Qunnie照顧BB咁好，幾隻小鬼就唔會肥肥白白~!!
(1仔 細仔 韓國金女士 己訂)
(現餘2仔, 有意詢問, 哥哥重新接受預訂)
